3.4.13 တတိယမောရနိဝါပသုတ္တ
Review
146.
1058
“တီဟိ, ဘိက္ခဝေ, ဓမ္မေဟိ သမန္နာဂတော ဘိက္ခု အစ္စန္တနိဋ္ဌော ဟောတိ အစ္စန္တယောဂက္ခေမီ အစ္စန္တဗြဟ္မစာရီ အစ္စန္တပရိယောသာနော သေဋ္ဌော ဒေဝမနုဿာနံ. ကတမေဟိ တီဟိ? သမ္မာဒိဋ္ဌိယာ, သမ္မာဉာဏေန, သမ္မာဝိမုတ္တိယာ— ဣမေဟိ ခေါ, ဘိက္ခဝေ, တီဟိ ဓမ္မေဟိ သမန္နာဂတော ဘိက္ခု အစ္စန္တနိဋ္ဌော ဟောတိ အစ္စန္တယောဂက္ခေမီ အစ္စန္တဗြဟ္မစာရီ အစ္စန္တပရိယောသာနော သေဋ္ဌော ဒေဝမနုဿာနန်”တိ.
1059
တေရသမံ.
1060
ယောဓာဇီဝဝဂ္ဂေါ စုဒ္ဒသမော.
1061
တဿုဒ္ဒါနံ
1062
ယောဓော ပရိသမိတ္တဉ္စ,
ဥပ္ပါဒါ ကေသကမ္ဗလော;_
သမ္ပဒါ ဝုဒ္ဓိ တယော အဿာ,
တယော မောရနိဝါပိနောတိ.