5.4.4 တိဿောဝိဓာ
Review
342.
553
အထ ခေါ, ဗြာဟ္မဏ, ပုရောဟိတော ဗြာဟ္မဏော ရညော မဟာဝိဇိတဿ ပုဗ္ဗေဝ ယညာ တိဿော ဝိဓာ ဒေသေသိ. သိယာ ခေါ ပန ဘောတော ရညော မဟာယညံ ယိဋ္ဌုကာမဿ ကောစိဒေဝ ဝိပ္ပဋိသာရော— ‘“မဟာ ဝတ မေ ဘောဂက္ခန္ဓော ဝိဂစ္ဆိဿတီ”တိ, သော ဘောတာ ရညာ ဝိပ္ပဋိသာရော န ကရဏီယော. သိယာ ခေါ ပန ဘောတော ရညော မဟာယညံ ယဇမာနဿ ကောစိဒေဝ ဝိပ္ပဋိသာရော— “မဟာ ဝတ မေ ဘောဂက္ခန္ဓော ဝိဂစ္ဆတီ”တိ, သော ဘောတာ ရညာ ဝိပ္ပဋိသာရော န ကရဏီယော. သိယာ ခေါ ပန ဘောတော ရညော မဟာယညံ ယိဋ္ဌဿ ကောစိဒေဝ ဝိပ္ပဋိသာရော— “မဟာ ဝတ မေ ဘောဂက္ခန္ဓော ဝိဂတော”တိ, သော ဘောတာ ရညာ ဝိပ္ပဋိသာရော န ကရဏီယော’တိ. ဣမာ ခေါ, ဗြာဟ္မဏ, ပုရောဟိတော ဗြာဟ္မဏော ရညော မဟာဝိဇိတဿ ပုဗ္ဗေဝ ယညာ တိဿော ဝိဓာ ဒေသေသိ.