10.10 ဗုဒ္ဓုပဋ္ဌာကတ္ထေရအပဒါန
“ဝိပဿိဿ ဘဂဝတော,
အဟောသိံ သင်္ခဓမ္မကော;
နိစ္စုပဋ္ဌာနယုတ္တောမှိ,
သုဂတဿ မဟေသိနော.
ဥပဋ္ဌာနဖလံ ပဿ,_
လောကနာထဿ တာဒိနော;
သဋ္ဌိတူရိယသဟဿာနိ,
ပရိဝါရေန္တိ မံ သဒါ.
ဧကနဝုတိတော ကပ္ပေ,
ဥပဋ္ဌဟိံ မဟာဣသိံ;_
ဒုဂ္ဂတိံ နာဘိဇာနာမိ,
ဥပဋ္ဌာနဿိဒံ ဖလံ._
စတုဝီသေ ဣတော ကပ္ပေ,
မဟာနိဂ္ဃေါသနာမကာ;
သောဠသာသိံသု ရာဇာနော,
စက္ကဝတ္တီ မဟဗ္ဗလာ.
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”. (1602)
ဣတ္ထံ သုဒံ အာယသ္မာ ဗုဒ္ဓုပဋ္ဌာကော ထေရော ဣမာ ဂါထာယော အဘာသိတ္ထာတိ.
ဗုဒ္ဓုပဋ္ဌာကတ္ထေရဿာပဒါနံ ဒသမံ.
သုဓာဝဂ္ဂေါ ဒသမော.တဿုဒ္ဒါနံ
သုဓာ သုစိန္တိ စေဠဉ္စ,
သူစီ စ ဂန္ဓမာလိယော;
တိပုပ္ဖိယော မဓုသေနာ,
ဝေယျာဝစ္စော စုပဋ္ဌကော;
သမသဋ္ဌိ စ ဂါထာယော,
အသ္မိံ ဝဂ္ဂေ ပကိတ္တိတာ.
အထ ဝဂ္ဂုဒ္ဒါနံ
ဗုဒ္ဓဝဂ္ဂေါ ဟိ ပဌမော,
သီဟာသနိ သုဘူတိ စ;
ကုဏ္ဍဓာနော ဥပါလိ စ,
ဗီဇနိသကစိန္တိ စ.
နာဂသမာလော တိမိရော,
သုဓာဝဂ္ဂေန တေ ဒသ;
စတုဒ္ဒသသတာ ဂါထာ,
ပဉ္စပညာသမေဝ စ.
ဗုဒ္ဓဝဂ္ဂဒသကံ.
ပဌမသတကံ သမတ္တံ.