10.6 တိပုပ္ဖိယတ္ထေရအပဒါန
Review
31.
1805
“မိဂလုဒ္ဒေါ ပုရေ အာသိံ,
အရညေ ကာနနေ အဟံ;
ပါဋလိံ ဟရိတံ ဒိသွာ,
တီဏိ ပုပ္ဖါနိ ဩကိရိံ.
32.
1806
ပတိတပတ္တာနိ ဂဏှိတွာ,
ဗဟိ ဆဍ္ဍေသဟံ တဒါ;
အန္တောသုဒ္ဓံ ဗဟိသုဒ္ဓံ,
သုဝိမုတ္တံ အနာသဝံ.
33.
1807
သမ္မုခါ ဝိယ သမ္ဗုဒ္ဓံ,
ဝိပဿိံ လောကနာယကံ;
ပါဋလိံ အဘိဝါဒေတွာ,
တတ္ထ ကာလင်္ကတော အဟံ.
34.
1808
ဧကနဝုတိတော ကပ္ပေ,
ယံ ဗောဓိမဘိပူဇယိံ;
ဒုဂ္ဂတိံ နာဘိဇာနာမိ,
ဗောဓိပူဇာယိဒံ ဖလံ.
35.
1809
သမန္တပါသာဒိကာ နာမ,
တေရသာသိံသု ရာဇိနော;
ဣတော တေတ္တိံသကပ္ပမှိ,_
စက္ကဝတ္တီ မဟဗ္ဗလာ.
36.
1810
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1811
ဣတ္ထံ သုဒံ အာယသ္မာ တိပုပ္ဖိယော ထေရော ဣမာ ဂါထာယော အဘာသိတ္ထာတိ.
1812
တိပုပ္ဖိယတ္ထေရဿာပဒါနံ ဆဋ္ဌံ.