10.7 မဓုပိဏ္ဍိကတ္ထေရအပဒါန
Review
37.
1813
“ဝိပိနေ ကာနနေ ဒိသွာ,
အပ္ပသဒ္ဒေ နိရာကုလေ;
သိဒ္ဓတ္ထံ ဣသိနံ သေဋ္ဌံ,
အာဟုတီနံ ပဋိဂ္ဂဟံ.
38.
1814
နိဗ္ဗုတတ္တံ မဟာနာဂံ,
နိသဘာဇာနိယံ ယထာ;
ဩသဓိံဝ ဝိရောစန္တံ,
ဒေဝသင်္ဃနမဿိတံ.
39.
1815
ဝိတ္တိ မမာဟု တာဝဒေ,
ဉာဏံ ဥပ္ပဇ္ဇိ တာဝဒေ;
ဝုဋ္ဌိတဿ သမာဓိမှာ,
မဓုံ ဒတွာန သတ္ထုနော.
40.
1816
ဝန္ဒိတွာ သတ္ထုနော ပါဒေ,
ပက္ကာမိံ ပါစိနာမုခေါ;
စတုတ္တိံသမှိ ကပ္ပမှိ,
ရာဇာ အာသိံ သုဒဿနော.
41.
1817
မဓု ဘိသေဟိ သဝတိ,
ဘောဇနမှိ စ တာဝဒေ;
မဓုဝဿံ ပဝဿိတ္ထ,
ပုဗ္ဗကမ္မဿိဒံ ဖလံ.
42.
1818
စတုန္နဝုတိတော ကပ္ပေ,
ယံ မဓုံ အဒဒိံ တဒါ;
ဒုဂ္ဂတိံ နာဘိဇာနာမိ,
မဓုဒါနဿိဒံ ဖလံ.
43.
1819
စတုတ္တိံသေ ဣတော ကပ္ပေ,
စတ္တာရော တေ သုဒဿနာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
44.
1820
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1821
ဣတ္ထံ သုဒံ အာယသ္မာ မဓုပိဏ္ဍိကော ထေရော ဣမာ ဂါထာယော အဘာသိတ္ထာတိ.
1822
မဓုပိဏ္ဍိကတ္ထေရဿာပဒါနံ သတ္တမံ.