10.8 သေနာသနဒါယကတ္ထေရအပဒါန
Review
45.
1823
“သိဒ္ဓတ္ထဿ ဘဂဝတော,
အဒါသိံ ပဏ္ဏသန္ထရံ;
သမန္တာ ဥပဟာရဉ္စ,
ကုသုမံ ဩကိရိံ အဟံ.
46.
1824
ပါသာဒေဝံ ဂုဏံ ရမ္မံ,
အနုဘောမိ မဟာရဟံ;
မဟဂ္ဃါနိ စ ပုပ္ဖါနိ,
သယနေဘိသဝန္တိ မေ.
47.
1825
သယနေဟံ တုဝဋ္ဋာမိ,
ဝိစိတ္တေ ပုပ္ဖသန္ထတေ;
ပုပ္ဖဝုဋ္ဌိ စ သယနေ,
အဘိဝဿတိ တာဝဒေ.
48.
1826
စတုန္နဝုတိတော ကပ္ပေ,
အဒါသိံ ပဏ္ဏသန္ထရံ;
ဒုဂ္ဂတိံ နာဘိဇာနာမိ,
သန္ထရဿ ဣဒံ ဖလံ.
49.
1827
တိဏသန္ထရကာ နာမ,
သတ္တေတေ စက္ကဝတ္တိနော;
ဣတော တေ ပဉ္စမေ ကပ္ပေ,_
ဥပ္ပဇ္ဇိံသု ဇနာဓိပါ._
50.
1828
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1829
ဣတ္ထံ သုဒံ အာယသ္မာ သေနာသနဒါယကော ထေရော ဣမာ ဂါထာယော အဘာသိတ္ထာတိ.
1830
သေနာသနဒါယကတ္ထေရဿာပဒါနံ အဋ္ဌမံ.