11.10 ရေဏုပူဇကတ္ထေရအပဒါန
Review
62.
1931
“သုဝဏ္ဏဝဏ္ဏံ သမ္ဗုဒ္ဓံ,
သတရံသိံဝ ဘာဏုမံ;
ဩဘာသေန္တံ ဒိသာ သဗ္ဗာ,
ဥဠုရာဇံဝ ပူရိတံ._
63.
1932
ပုရက္ခတံ သာဝကေဟိ,
သာဂရေဟေဝ မေဒနိံ;
နာဂံ ပဂ္ဂယှ ရေဏူဟိ,
ဝိပဿိဿာဘိရောပယိံ.
64.
1933
ဧကနဝုတိတော ကပ္ပေ,
ယံ ရေဏုမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
65.
1934
ပဏ္ဏတာလီသိတော ကပ္ပေ,
ရေဏု နာမာသိ ခတ္တိယော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
66.
1935
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”. (1668)
1936
ဣတ္ထံ သုဒံ အာယသ္မာ ရေဏုပူဇကော ထေရော ဣမာ ဂါထာယော အဘာသိတ္ထာတိ.
1937
ရေဏုပူဇကတ္ထေရဿာပဒါနံ ဒသမံ.
1938
ဘိက္ခဒါယိဝဂ္ဂေါ ဧကာဒသမော.
1939
တဿုဒ္ဒါနံ
1940
ဘိက္ခဒါယီ ဉာဏသညီ,
ဟတ္ထိယော ပဒပူဇကော;
မုဋ္ဌိပုပ္ဖီ ဥဒကဒေါ,
နဠမာလိ ဥပဋ္ဌကော;
ဗိဠာလိဒါယီ ရေဏု စ,
ဂါထာယော ဆ စ သဋ္ဌိ စ.