11.9 ဗိဠာလိဒါယကတ္ထေရအပဒါန
Review
53.
1920
“ဟိမဝန္တဿာဝိဒူရေ,
ဝသာမိ ပဏ္ဏသန္ထရေ;
ဃာသေသု ဂေဓမာပန္နော,
သေယျသီလော စဟံ တဒါ.
54.
1921
ခဏန္တာလု ကလမ္ဗာနိ,
ဗိဠာလိတက္ကလာနိ စ;
ကောလံ ဘလ္လာတကံ ဗိလ္လံ,
အာဟတွာ ပဋိယာဒိတံ.
55.
1922
ပဒုမုတ္တရော လောကဝိဒူ,
အာဟုတီနံ ပဋိဂ္ဂဟော;
မမ သင်္ကပ္ပမညာယ,
အာဂစ္ဆိ မမ သန္တိကံ.
56.
1923
ဥပါဂတံ မဟာနာဂံ,_
ဒေဝဒေဝံ နရာသဘံ;
ဗိဠာလိံ ပဂ္ဂဟေတွာန,
ပတ္တမှိ ဩကိရိံ အဟံ.
57.
1924
ပရိဘုဉ္ဇိ မဟာဝီရော,
တောသယန္တော မမံ တဒါ;
ပရိဘုဉ္ဇိတွာန သဗ္ဗညူ,
ဣမံ ဂါထံ အဘာသထ._
58.
1925
‘သကံ စိတ္တံ ပသာဒေတွာ,
ဗိဠာလိံ မေ အဒါ တုဝံ;
ကပ္ပါနံ သတသဟဿံ,
ဒုဂ္ဂတိံ နုပပဇ္ဇသိ’.
59.
1926
စရိမံ ဝတ္တတေ မယှံ,
ဘဝါ သဗ္ဗေ သမူဟတာ;
ဓာရေမိ အန္တိမံ ဒေဟံ,
သမ္မာသမ္ဗုဒ္ဓသာသနေ.
60.
1927
စတုပညာသိတော ကပ္ပေ,
သုမေခလိယသဝှယော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
61.
1928
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1929
ဣတ္ထံ သုဒံ အာယသ္မာ ဗိဠာလိဒါယကော ထေရော ဣမာ ဂါထာယော အဘာသိတ္ထာတိ.
1930
ဗိဠာလိဒါယကတ္ထေရဿာပဒါနံ နဝမံ.