13.4 ဂန္ဓောဒကိယတ္ထေရအပဒါန
Review
35.
2094
“နိသဇ္ဇ ပါသာဒဝရေ,
ဝိပဿိံ အဒ္ဒသံ ဇိနံ;
ကကုဓံ ဝိလသန္တံဝ,
သဗ္ဗညုံ တမနာသကံ.
36.
2095
ပါသာဒဿာဝိဒူရေ စ,
ဂစ္ဆတိ လောကနာယကော;
ပဘာ နိဒ္ဓါဝတေ တဿ,
ယထာ စ သတရံသိနော.
37.
2096
ဂန္ဓောဒကဉ္စ ပဂ္ဂယှ,
ဗုဒ္ဓသေဋ္ဌံ သမောကိရိံ;
တေန စိတ္တပ္ပသာဒေန,
တတ္ထ ကာလင်္ကတော အဟံ.
38.
2097
ဧကနဝုတိတော ကပ္ပေ,
ယံ ဂန္ဓောဒကမာကိရိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
39.
2098
ဧကတ္တိံသေ ဣတော ကပ္ပေ,
သုဂန္ဓော နာမ ခတ္တိယော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
40.
2099
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2100
ဣတ္ထံ သုဒံ အာယသ္မာ ဂန္ဓောဒကိယော ထေရော ဣမာ ဂါထာယော အဘာသိတ္ထာတိ.
2101
ဂန္ဓောဒကိယတ္ထေရဿာပဒါနံ စတုတ္ထံ.