13.8 ဉာဏသညိကတ္ထေရအပဒါန
Review
- ဉာဏသညိကတ္ထေရအပဒါန
84.
2151
“ပဗ္ဗတေ ဟိမဝန္တမှိ,
ဝသာမိ ပဗ္ဗတန္တရေ;
ပုလိနံ သောဘနံ ဒိသွာ,
ဗုဒ္ဓသေဋ္ဌံ အနုဿရိံ.
85.
2152
ဉာဏေ ဥပနိဓာ နတ္ထိ,
သင်္ခါရံ နတ္ထိ သတ္ထုနော;
သဗ္ဗဓမ္မံ အဘိညာယ,
ဉာဏေန အဓိမုစ္စတိ.
86.
2153
နမော တေ ပုရိသာဇည,
နမော တေ ပုရိသုတ္တမ;
ဉာဏေန တေ သမော နတ္ထိ,
ယာဝတာ ဉာဏမုတ္တမံ.
87.
2154
ဉာဏေ စိတ္တံ ပသာဒေတွာ,
ကပ္ပံ သဂ္ဂမှိ မောဒဟံ;
အဝသေသေသု ကပ္ပေသု,
ကုသလံ စရိတံ မယာ.
88.
2155
ဧကနဝုတိတော ကပ္ပေ,
ယံ သညမလဘိံ တဒါ;
ဒုဂ္ဂတိံ နာဘိဇာနာမိ,
ဉာဏသညာယိဒံ ဖလံ.
89.
2156
ဣတော သတ္တတိကပ္ပမှိ,_
ဧကော ပုလိနပုပ္ဖိယော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
90.
2157
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2158
ဣတ္ထံ သုဒံ အာယသ္မာ ဉာဏသညိကော ထေရော ဣမာ ဂါထာယော အဘာသိတ္ထာတိ.
2159
ဉာဏသညိကတ္ထေရဿာပဒါနံ အဋ္ဌမံ.