14.2 သုဒဿနတ္ထေရအပဒါန
Review
10.
2193
“ဝိနတာ နဒိယာ တီရေ,
ပိလက္ခု ဖလိတော အဟု;
တာဟံ ရုက္ခံ ဂဝေသန္တော,
အဒ္ဒသံ လောကနာယကံ.
11.
2194
ကေတကံ ပုပ္ဖိတံ ဒိသွာ,
ဝဏ္ဋေ ဆေတွာနဟံ တဒါ;
ဗုဒ္ဓဿ အဘိရောပေသိံ,
သိခိနော လောကဗန္ဓုနော.
12.
2195
ယေန ဉာဏေန ပတ္တောသိ,
အစ္စုတံ အမတံ ပဒံ;
တံ ဉာဏံ အဘိပူဇေမိ,
ဗုဒ္ဓသေဋ္ဌ မဟာမုနိ.
13.
2196
ဉာဏမှိ ပူဇံ ကတွာန,
ပိလက္ခုမဒ္ဒသံ အဟံ;
ပဋိလဒ္ဓေါမှိ တံ ပညံ,
ဉာဏပူဇာယိဒံ ဖလံ.
14.
2197
ဧကတ္တိံသေ ဣတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဉာဏပူဇာယိဒံ ဖလံ.
15.
2198
ဣတော တေရသကပ္ပမှိ,_
ဒွါဒသာသုံ ဖလုဂ္ဂတာ;
သတ္တရတနသမ္ပန္နာ,
စက္ကဝတ္တီ မဟပ္ဖလာ.
16.
2199
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2200
ဣတ္ထံ သုဒံ အာယသ္မာ သုဒဿနော ထေရော ဣမာ ဂါထာယော အဘာသိတ္ထာတိ.
2201
သုဒဿနတ္ထေရဿာပဒါနံ ဒုတိယံ.