14.4 ပုပ္ဖစ္ဆဒနိယတ္ထေရအပဒါန
Review
26.
2213
“သုနန္ဒော နာမ နာမေန,
ဗြာဟ္မဏော မန္တပါရဂူ;
အဇ္ဈာယကော ယာစယောဂေါ,
ဝါဇပေယျံ အယာဇယိ.
27.
2214
ပဒုမုတ္တရော လောကဝိဒူ,
အဂ္ဂေါ ကာရုဏိကော ဣသိ;
ဇနတံ အနုကမ္ပန္တော,
အမ္ဗရေ စင်္ကမီ တဒါ.
28.
2215
စင်္ကမိတွာန သမ္ဗုဒ္ဓေါ,
သဗ္ဗညူ လောကနာယကော;
မေတ္တာယ အဖရိ သတ္တေ,
အပ္ပမာဏေ နိရူပဓိ.
29.
2216
ဝဏ္ဋေ ဆေတွာန ပုပ္ဖါနိ,
ဗြာဟ္မဏော မန္တပါရဂူ;
သဗ္ဗေ သိဿေ သမာနေတွာ,
အာကာသေ ဥက္ခိပါပယိ.
30.
2217
ယာဝတာ နဂရံ အာသိ,
ပုပ္ဖါနံ ဆဒနံ တဒါ;
ဗုဒ္ဓဿ အာနုဘာဝေန,
သတ္တာဟံ န ဝိဂစ္ဆထ.
31.
2218
တေနေဝ သုက္ကမူလေန,
အနုဘောတွာန သမ္ပဒါ;
သဗ္ဗာသဝေ ပရိညာယ,
တိဏ္ဏော လောကေ ဝိသတ္တိကံ.
32.
2219
ဧကာရသေ ကပ္ပသတေ,
ပဉ္စတိံသာသု ခတ္တိယာ;
အမ္ဗရံသသနာမာ တေ,
စက္ကဝတ္တီ မဟဗ္ဗလာ.
33.
2220
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2221
ဣတ္ထံ သုဒံ အာယသ္မာ ပုပ္ဖစ္ဆဒနိယော ထေရော ဣမာ ဂါထာယော အဘာသိတ္ထာတိ.
2222
ပုပ္ဖစ္ဆဒနိယတ္ထေရဿာပဒါနံ စတုတ္ထံ.