14.9 သာလပုပ္ဖဒါယကတ္ထေရအပဒါန
Review
60.
2257
“မိဂရာဇာ တဒါ အာသိံ,
အဘိဇာတော သုကေသရီ;
ဂိရိဒုဂ္ဂံ ဂဝေသန္တော,
အဒ္ဒသံ လောကနာယကံ.
61.
2258
အယံ နု ခေါ မဟာဝီရော,
နိဗ္ဗာပေတိ မဟာဇနံ;
ယန္နူနာဟံ ဥပါသေယျံ,
ဒေဝဒေဝံ နရာသဘံ.
62.
2259
သာခံ သာလဿ ဘဉ္ဇိတွာ,
သကောသံ ပုပ္ဖမာဟရိံ;
ဥပဂန္တွာန သမ္ဗုဒ္ဓံ,_
အဒါသိံ ပုပ္ဖမုတ္တမံ.
63.
2260
ဧကနဝုတိတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ပုပ္ဖဒါနဿိဒံ ဖလံ.
64.
2261
ဣတော စ နဝမေ ကပ္ပေ,_
ဝိရောစနသနာမကာ;
တယော အာသိံသု ရာဇာနော,
စက္ကဝတ္တီ မဟဗ္ဗလာ.
65.
2262
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2263
ဣတ္ထံ သုဒံ အာယသ္မာ သာလပုပ္ဖဒါယကော ထေရော ဣမာ ဂါထာယော အဘာသိတ္ထာတိ.
2264
သာလပုပ္ဖဒါယကတ္ထေရဿာပဒါနံ နဝမံ.