15.10 ပလ္လင်္ကဒါယကတ္ထေရအပဒါန
Review
48.
2343
“သုမေဓဿ ဘဂဝတော,
လောကဇေဋ္ဌဿ တာဒိနော;
ပလ္လင်္ကော ဟိ မယာ ဒိန္နော,
သော်တ္တရသပစ္ဆဒေါ.
49.
2344
သတ္တရတနသမ္ပန္နော,
ပလ္လင်္ကော အာသိ သော တဒါ;
မမ သင်္ကပ္ပမညာယ,
နိဗ္ဗတ္တတိ သဒါ မမ.
50.
2345
တိံသကပ္ပသဟဿမှိ,
ပလ္လင်္ကမဒဒိံ တဒါ;
ဒုဂ္ဂတိံ နာဘိဇာနာမိ,
ပလ္လင်္ကဿ ဣဒံ ဖလံ.
51.
2346
ဝီသကပ္ပသဟဿမှိ,
သုဝဏ္ဏာဘာ တယော ဇနာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
52.
2347
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”. (1987)
2348
ဣတ္ထံ သုဒံ အာယသ္မာ ပလ္လင်္ကဒါယကော ထေရော ဣမာ ဂါထာယော အဘာသိတ္ထာတိ.
2349
ပလ္လင်္ကဒါယကတ္ထေရဿာပဒါနံ ဒသမံ.
2350
ဆတ္တဝဂ္ဂေါ ပန္နရသမော.
2351
တဿုဒ္ဒါနံ
2352
ဆတ္တံ ထမ္ဘော စ ဝေဒိ စ,
ပရိဝါရုမပုပ္ဖိယော;
အနုလေပေါ စ မဂ္ဂေါ စ,
ဖလကော စ ဝဋံသကော;
ပလ္လင်္ကဒါယီ စ ဂါထာယော,
ဆပ္ပညာသ ပကိတ္တိတာတိ.