15.6 အနုလေပဒါယကတ္ထေရအပဒါန
Review
26.
2313
“အနောမဒဿီမုနိနော,
ဗောဓိဝေဒိမကာသဟံ;
သုဓာယ ပိဏ္ဍံ ဒတွာန,
ပါဏိကမ္မံ အကာသဟံ.
27.
2314
ဒိသွာ တံ သုကတံ ကမ္မံ,
အနောမဒဿီ နရုတ္တမော;
ဘိက္ခုသံဃေ ဌိတော သတ္ထာ,
ဣမံ ဂါထံ အဘာသထ._
28.
2315
‘ဣမိနာ သုဓကမ္မေန,
စေတနာပဏိဓီဟိ စ;
သမ္ပတ္တိံ အနုဘောတွာန,
ဒုက္ခဿန္တံ ကရိဿတိ’.
29.
2316
ပသန္နမုခဝဏ္ဏောမှိ,
ဧကဂ္ဂေါ သုသမာဟိတော;
ဓာရေမိ အန္တိမံ ဒေဟံ,
သမ္မာသမ္ဗုဒ္ဓသာသနေ.
30.
2317
ဣတော ကပ္ပသတေ အာသိံ,_
ပရိပုဏ္ဏေ အနူနကေ;
ရာဇာ သဗ္ဗဃနော နာမ,
စက္ကဝတ္တီ မဟဗ္ဗလော.
31.
2318
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2319
ဣတ္ထံ သုဒံ အာယသ္မာ အနုလေပဒါယကော ထေရော ဣမာ ဂါထာယော အဘာသိတ္ထာတိ.
2320
အနုလေပဒါယကတ္ထေရဿာပဒါနံ ဆဋ္ဌံ.