15.8 ဖလကဒါယကတ္ထေရအပဒါန
Review
37.
2328
“ယာနကာရော ပုရေ အာသိံ,
ဒါရုကမ္မေ သုသိက္ခိတော;
စန္ဒနံ ဖလကံ ကတွာ,
အဒါသိံ လောကဗန္ဓုနော.
38.
2329
ပဘာသတိ ဣဒံ ဗျမှံ,
သုဝဏ္ဏဿ သုနိမ္မိတံ;
ဟတ္ထိယာနံ အဿယာနံ,
ဒိဗ္ဗယာနံ ဥပဋ္ဌိတံ.
39.
2330
ပါသာဒါ သိဝိကာ စေဝ,
နိဗ္ဗတ္တန္တိ ယဒိစ္ဆကံ;
အက္ခောဘံ ရတနံ မယှံ,
ဖလကဿ ဣဒံ ဖလံ.
40.
2331
ဧကနဝုတိတော ကပ္ပေ,
ဖလကံ ယမဟံ ဒဒိံ;
ဒုဂ္ဂတိံ နာဘိဇာနာမိ,
ဖလကဿ ဣဒံ ဖလံ.
41.
2332
သတ္တပညာသကပ္ပမှိ,
စတုရော နိမ္မိတာဝှယာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
42.
2333
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2334
ဣတ္ထံ သုဒံ အာယသ္မာ ဖလကဒါယကော ထေရော ဣမာ ဂါထာယော အဘာသိတ္ထာတိ.
2335
ဖလကဒါယကတ္ထေရဿာပဒါနံ အဋ္ဌမံ.