16.1 ဗန္ဓုဇီဝကတ္ထေရအပဒါန
Review
1.
2353
“စန္ဒံဝ ဝိမလံ သုဒ္ဓံ,
ဝိပ္ပသန္နမနာဝိလံ;
နန္ဒီဘဝပရိက္ခီဏံ,
တိဏ္ဏံ လောကေ ဝိသတ္တိကံ.
2.
2354
နိဗ္ဗာပယန္တံ ဇနတံ,
တိဏ္ဏံ တာရယတံ ဝရံ;
မုနိံ ဝနမှိ ဈာယန္တံ,
ဧကဂ္ဂံ သုသမာဟိတံ.
3.
2355
ဗန္ဓုဇီဝကပုပ္ဖါနိ,
လဂေတွာ သုတ္တကေနဟံ;
ဗုဒ္ဓဿ အဘိရောပယိံ,
သိခိနော လောကဗန္ဓုနော.
4.
2356
ဧကတ္တိံသေ ဣတော ကပ္ပေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
5.
2357
ဣတော သတ္တမကေ ကပ္ပေ,_
မနုဇိန္ဒော မဟာယသော;
သမန္တစက္ခု နာမာသိ,
စက္ကဝတ္တီ မဟဗ္ဗလော.
6.
2358
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
2359
ဣတ္ထံ သုဒံ အာယသ္မာ ဗန္ဓုဇီဝကော ထေရော ဣမာ ဂါထာယော အဘာသိတ္ထာတိ.
2360
ဗန္ဓုဇီဝကတ္ထေရဿာပဒါနံ ပဌမံ.