16.3 ဝီထိသမ္မဇ္ဇကတ္ထေရအပဒါန
Review
15.
2371
“ဥဒေန္တံ သတရံသိံဝ,
ပီတရံသိံဝ ဘာဏုမံ;
ပန္နရသေ ယထာ စန္ဒံ,
နိယျန္တံ လောကနာယကံ.
16.
2372
အဋ္ဌသဋ္ဌိသဟဿာနိ,
သဗ္ဗေ ခီဏာသဝါ အဟုံ;
ပရိဝါရိံသု သမ္ဗုဒ္ဓံ,
ဒွိပဒိန္ဒံ နရာသဘံ.
17.
2373
သမ္မဇ္ဇိတွာန တံ ဝီထိံ,
နိယျန္တေ လောကနာယကေ;
ဥဿာပေသိံ ဓဇံ တတ္ထ,_
ဝိပ္ပသန္နေန စေတသာ.
18.
2374
ဧကနဝုတိတော ကပ္ပေ,
ယံ ဓဇံ အဘိရောပယိံ;
ဒုဂ္ဂတိံ နာဘိဇာနာမိ,
ဓဇဒါနဿိဒံ ဖလံ.
19.
2375
ဣတော စတုတ္ထကေ ကပ္ပေ,_
ရာဇာဟောသိံ မဟဗ္ဗလော;
သဗ္ဗာကာရေန သမ္ပန္နော,
သုဓဇော ဣတိ ဝိဿုတော.
20.
2376
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2377
ဣတ္ထံ သုဒံ အာယသ္မာ ဝီထိသမ္မဇ္ဇကော ထေရော ဣမာ ဂါထာယော အဘာသိတ္ထာတိ.
2378
ဝီထိသမ္မဇ္ဇကတ္ထေရဿာပဒါနံ တတိယံ.