16.5 မန္ဒာရဝပုပ္ဖပူဇကတ္ထေရအပဒါန
Review
25.
2385
“ဒေဝပုတ္တော အဟံ သန္တော,
ပူဇယိံ သိခိနာယကံ;
မန္ဒာရဝေန ပုပ္ဖေန,
ဗုဒ္ဓဿ အဘိရောပယိံ.
26.
2386
သတ္တာဟံ ဆဒနံ အာသိ,
ဒိဗ္ဗံ မာလံ တထာဂတေ;
သဗ္ဗေ ဇနာ သမာဂန္တွာ,
နမဿိံသု တထာဂတံ.
27.
2387
ဧကတ္တိံသေ ဣတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
28.
2388
ဣတော စ ဒသမေ ကပ္ပေ,_
ရာဇာဟောသိံ ဇုတိန္ဓရော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
29.
2389
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2390
ဣတ္ထံ သုဒံ အာယသ္မာ မန္ဒာရဝပုပ္ဖပူဇကော ထေရော ဣမာ ဂါထာယော အဘာသိတ္ထာတိ.
2391
မန္ဒာရဝပုပ္ဖပူဇကတ္ထေရဿာပဒါနံ ပဉ္စမံ.