16.6 ကဒမ္ဗပုပ္ဖိယတ္ထေရအပဒါန
Review
30.
2392
“ဟိမဝန္တဿာဝိဒူရေ,
ကုက္ကုဋော နာမ ပဗ္ဗတော;
တမှိ ပဗ္ဗတပါဒမှိ,
သတ္တ ဗုဒ္ဓါ ဝသန္တိ တေ.
31.
2393
ကဒမ္ဗံ ပုပ္ဖိတံ ဒိသွာ,
ဒီပရာဇံဝ ဥဂ္ဂတံ;
ဥဘော ဟတ္ထေဟိ ပဂ္ဂယှ,_
သတ္တ ဗုဒ္ဓေ သမောကိရိံ.
32.
2394
စတုန္နဝုတိတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
33.
2395
ဒွေနဝုတေ ဣတော ကပ္ပေ,
သတ္တာသုံ ပုပ္ဖနာမကာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
34.
2396
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2397
ဣတ္ထံ သုဒံ အာယသ္မာ ကဒမ္ဗပုပ္ဖိယော ထေရော ဣမာ ဂါထာယော အဘာသိတ္ထာတိ.
2398
ကဒမ္ဗပုပ္ဖိယတ္ထေရဿာပဒါနံ ဆဋ္ဌံ.