16.8 နာဂပုပ္ဖိယတ္ထေရအပဒါန
Review
39.
2405
“သုဝစ္ဆော နာမ နာမေန,
ဗြာဟ္မဏော မန္တပါရဂူ;
ပုရက္ခတော သသိဿေဟိ,
ဝသတေ ပဗ္ဗတန္တရေ.
40.
2406
ပဒုမုတ္တရော နာမ ဇိနော,
အာဟုတီနံ ပဋိဂ္ဂဟော;
မမုဒ္ဓရိတုကာမော သော,
အာဂစ္ဆိ မမ သန္တိကံ.
41.
2407
ဝေဟာသမှိ စင်္ကမတိ,
ဓူပါယတိ ဇလတေ တထာ;
ဟာသံ မမံ ဝိဒိတွာန,
ပက္ကာမိ ပါစိနာမုခေါ.
42.
2408
တဉ္စ အစ္ဆရိယံ ဒိသွာ,
အဗ္ဘုတံ လောမဟံသနံ;
နာဂပုပ္ဖံ ဂဟေတွာန,
ဂတမဂ္ဂမှိ ဩကိရိံ.
43.
2409
သတသဟဿိတော ကပ္ပေ,
ယံ ပုပ္ဖံ ဩကိရိံ အဟံ;
တေန စိတ္တပ္ပသာဒေန,
ဒုဂ္ဂတိံ နုပပဇ္ဇဟံ.
44.
2410
ဧကတ္တိံသေ ကပ္ပသတေ,
ရာဇာ အာသိ မဟာရဟော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
45.
2411
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2412
ဣတ္ထံ သုဒံ အာယသ္မာ နာဂပုပ္ဖိယော ထေရော ဣမာ ဂါထာယော အဘာသိတ္ထာတိ.
2413
နာဂပုပ္ဖိယတ္ထေရဿာပဒါနံ အဋ္ဌမံ.