16.9 ပုန္နာဂပုပ္ဖိယတ္ထေရအပဒါန
Review
46.
2414
“ကာနနံ ဝနမောဂယှ,
ဝသာမိ လုဒ္ဒကော အဟံ;
ပုန္နာဂံ ပုပ္ဖိတံ ဒိသွာ,
ဗုဒ္ဓသေဋ္ဌံ အနုဿရိံ.
47.
2415
တံ ပုပ္ဖံ ဩစိနိတွာန,
သုဂန္ဓံ ဂန္ဓိတံ သုဘံ;
ထူပံ ကရိတွာ ပုလိနေ,
ဗုဒ္ဓဿ အဘိရောပယိံ.
48.
2416
ဒွေနဝုတေ ဣတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
49.
2417
ဧကမှိ နဝုတေ ကပ္ပေ,
ဧကော အာသိံ တမောနုဒေါ;
သတ္တရတနသမ္ပန္နော,
စက္ကဝတ္တီ မဟဗ္ဗလော.
50.
2418
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2419
ဣတ္ထံ သုဒံ အာယသ္မာ ပုန္နာဂပုပ္ဖိယော ထေရော ဣမာ ဂါထာယော အဘာသိတ္ထာတိ.
2420
ပုန္နာဂပုပ္ဖိယတ္ထေရဿာပဒါနံ နဝမံ.