17.10 ပဉ္စင်္ဂုလိယတ္ထေရအပဒါန
Review
50.
2500
“တိဿော နာမာသိ ဘဂဝါ,
လောကဇေဋ္ဌော နရာသဘော;
ပဝိသတိ ဂန္ဓကုဋိံ,
ဝိဟာရကုသလော မုနိ.
51.
2501
သုဂန္ဓမာလမာဒါယ,
အဂမာသိံ ဇိနန္တိကံ;
အပသဒ္ဒေါ စ သမ္ဗုဒ္ဓေ,
ပဉ္စင်္ဂုလိမဒါသဟံ.
52.
2502
ဒွေနဝုတေ ဣတော ကပ္ပေ,
ယံ ဂန္ဓမဘိရောပယိံ;
ဒုဂ္ဂတိံ နာဘိဇာနာမိ,
ပဉ္စင်္ဂုလိဿိဒံ ဖလံ.
53.
2503
ဒွေသတ္တတိမှိတော ကပ္ပေ,
ရာဇာ အာသိံ သယမ္ပဘော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
54.
2504
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”. (2098)
2505
ဣတ္ထံ သုဒံ အာယသ္မာ ပဉ္စင်္ဂုလိယော ထေရော ဣမာ ဂါထာယော အဘာသိတ္ထာတိ.
2506
ပဉ္စင်္ဂုလိယတ္ထေရဿာပဒါနံ ဒသမံ.
2507
သုပါရိစရိယဝဂ္ဂေါ သတ္တရသမော.
2508
တဿုဒ္ဒါနံ
2509
သုပါရိစရိ ကဏဝေရီ,
ခဇ္ဇကော ဒေသပူဇကော;
ကဏိကာရော သပ္ပိဒဒေါ,
ယူထိကော ဒုဿဒါယကော;
မာဠော စ ပဉ္စင်္ဂုလိကော,
စတုပညာသ ဂါထကာတိ.