17.2 ကဏဝေရပုပ္ဖိယတ္ထေရအပဒါန
Review
7.
2441
“သိဒ္ဓတ္ထော နာမ ဘဂဝါ,
လောကဇေဋ္ဌော နရာသဘော;
ပုရက္ခတော သာဝကေဟိ,
နဂရံ ပဋိပဇ္ဇထ.
8.
2442
ရညော အန္တေပုရေ အာသိံ,
ဂေါပကော အဘိသမ္မတော;
ပါသာဒေ ဥပဝိဋ္ဌောဟံ,
အဒ္ဒသံ လောကနာယကံ.
9.
2443
ကဏဝေရံ ဂဟေတွာန,
ဘိက္ခုသံဃေ သမောကိရိံ;
ဗုဒ္ဓဿ ဝိသုံ ကတွာန,
တတော ဘိယျော သမောကိရိံ.
10.
2444
စတုန္နဝုတိတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
11.
2445
သတ္တာသီတိမှိတော ကပ္ပေ,
စတုရာသုံ မဟိဒ္ဓိကာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
12.
2446
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2447
ဣတ္ထံ သုဒံ အာယသ္မာ ကဏဝေရပုပ္ဖိယော ထေရော ဣမာ ဂါထာယော အဘာသိတ္ထာတိ.
2448
ကဏဝေရပုပ္ဖိယတ္ထေရဿာပဒါနံ ဒုတိယံ.