17.5 ကဏိကာရဆတ္တိယတ္ထေရအပဒါန
Review
23.
2463
“ဝေဿဘူ နာမ သမ္ဗုဒ္ဓေါ,
လောကဇေဋ္ဌော နရာသဘော;
ဒိဝါဝိဟာရာယ မုနိ,
ဩဂါဟယိ မဟာဝနံ.
24.
2464
ကဏိကာရံ ဩစိနိတွာ,
ဆတ္တံ ကတွာနဟံ တဒါ;
ပုပ္ဖစ္ဆဒနံ ကတွာန,
ဗုဒ္ဓဿ အဘိရောပယိံ.
25.
2465
ဧကတ္တိံသေ ဣတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
26.
2466
ဣတော ဝီသတိကပ္ပမှိ,_
သောဏ္ဏာဘာ အဋ္ဌ ခတ္တိယာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
27.
2467
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2468
ဣတ္ထံ သုဒံ အာယသ္မာ ကဏိကာရဆတ္တိယော ထေရော ဣမာ ဂါထာယော အဘာသိတ္ထာတိ.
2469
ကဏိကာရဆတ္တိယတ္ထေရဿာပဒါနံ ပဉ္စမံ.