17.8 ဒုဿဒါယကတ္ထေရအပဒါန
Review
38.
2484
“တိဝရာယံ ပုရေ ရမ္မေ,
ရာဇပုတ္တောသဟံ တဒါ;
ပဏ္ဏာကာရံ လဘိတွာန,
ဥပသန္တဿဒါသဟံ._
39.
2485
အဓိဝါသေသိ ဘဂဝါ,
ဝတ္ထံ ဟတ္ထေန အာမသိ;
သိဒ္ဓတ္ထော အဓိဝါသေတွာ,
ဝေဟာသံ နဘမုဂ္ဂမိ.
40.
2486
ဗုဒ္ဓဿ ဂစ္ဆမာနဿ,
ဒုဿာ ဓာဝန္တိ ပစ္ဆတော;
တတ္ထ စိတ္တံ ပသာဒေသိံ,
ဗုဒ္ဓေါ နော အဂ္ဂပုဂ္ဂလော.
41.
2487
စတုန္နဝုတိတော ကပ္ပေ,
ယံ ဒုဿမဒဒိံ တဒါ;
ဒုဂ္ဂတိံ နာဘိဇာနာမိ,
ဒုဿဒါနဿိဒံ ဖလံ.
42.
2488
သတ္တသဋ္ဌိမှိတော ကပ္ပေ,
စက္ကဝတ္တီ တဒါ အဟုံ;
ပရိသုဒ္ဓေါတိ နာမေန,
မနုဇိန္ဒော မဟဗ္ဗလော.
43.
2489
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2490
ဣတ္ထံ သုဒံ အာယသ္မာ ဒုဿဒါယကော ထေရော ဣမာ ဂါထာယော အဘာသိတ္ထာတိ.
2491
ဒုဿဒါယကတ္ထေရဿာပဒါနံ အဋ္ဌမံ.