17.9 သမာဒပကတ္ထေရအပဒါန
Review
44.
2492
“နဂရေ ဗန္ဓုမတိယာ,
မဟာပူဂဂဏော အဟု;
တေသာဟံ ပဝရော အာသိံ,
မမ ဗဒ္ဓစရာ စ တေ.
45.
2493
သဗ္ဗေ တေ သန္နိပါတေတွာ,
ပုညကမ္မေ သမာဒယိံ;
မာဠံ ကဿာမ သံဃဿ,
ပုညက္ခေတ္တံ အနုတ္တရံ.
46.
2494
သာဓူတိ တေ ပဋိဿုတွာ,
မမ ဆန္ဒဝသာနုဂါ;
နိဋ္ဌာပေတွာ စ တံ မာဠံ,
ဝိပဿိဿ အဒမှသေ.
47.
2495
ဧကနဝုတိတော ကပ္ပေ,
ယံ မာဠမဒဒိံ တဒါ;
ဒုဂ္ဂတိံ နာဘိဇာနာမိ,
မာဠဒါနဿိဒံ ဖလံ.
48.
2496
ဧကူနသတ္တတိကပ္ပေ,
ဧကော အာသိ ဇနာဓိပေါ;
အာဒေယျော နာမ နာမေန,
စက္ကဝတ္တီ မဟဗ္ဗလော.
49.
2497
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2498
ဣတ္ထံ သုဒံ အာယသ္မာ သမာဒပကော ထေရော ဣမာ ဂါထာယော အဘာသိတ္ထာတိ.
2499
သမာဒပကတ္ထေရဿာပဒါနံ နဝမံ.