18.1 ကုမုဒမာလိယတ္ထေရအပဒါန
Review
1.
2510
“ပဗ္ဗတေ ဟိမဝန္တမှိ,
မဟာဇာတဿရော အဟု;
တတ္ထဇော ရက္ခသော အာသိံ,
ဃောရရူပေါ မဟဗ္ဗလော.
2.
2511
ကုမုဒံ ပုပ္ဖတေ တတ္ထ,
စက္ကမတ္တာနိ ဇာယရေ;
ဩစိနာမိ စ တံ ပုပ္ဖံ,
ဗလိနော သမိတိံ တဒါ.
3.
2512
အတ္ထဒဿီ တု ဘဂဝါ,
ဒွိပဒိန္ဒော နရာသဘော;
ပုပ္ဖသင်္ကောစိတံ ဒိသွာ,
အာဂစ္ဆိ မမ သန္တိကံ.
4.
2513
ဥပါဂတဉ္စ သမ္ဗုဒ္ဓံ,_
ဒေဝဒေဝံ နရာသဘံ;
သဗ္ဗဉ္စ ပုပ္ဖံ ပဂ္ဂယှ,
ဗုဒ္ဓဿ အဘိရောပယိံ.
5.
2514
ယာဝတာ ဟိမဝန္တန္တာ,
ပရိသာ သာ တဒါ အဟု;
တာဝစ္ဆဒနသမ္ပန္နော,
အဂမာသိ တထာဂတော.
6.
2515
အဋ္ဌာရသေ ကပ္ပသတေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
7.
2516
ဣတော ပန္နရသေ ကပ္ပေ,_
သတ္တာဟေသုံ ဇနာဓိပါ;
သဟဿရထနာမာ တေ,
စက္ကဝတ္တီ မဟဗ္ဗလာ.
8.
2517
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
2518
ဣတ္ထံ သုဒံ အာယသ္မာ ကုမုဒမာလိယော ထေရော ဣမာ ဂါထာယော အဘာသိတ္ထာတိ.
2519
ကုမုဒမာလိယတ္ထေရဿာပဒါနံ ပဌမံ.