18.2 နိဿေဏိဒါယကတ္ထေရအပဒါန
Review
9.
2520
“ကောဏ္ဍညဿ ဘဂဝတော,
လောကဇေဋ္ဌဿ တာဒိနော;
အာရောဟတ္ထာယ ပါသာဒံ,
နိဿေဏီ ကာရိတာ မယာ.
10.
2521
တေန စိတ္တပ္ပသာဒေန,
အနုဘောတွာန သမ္ပဒါ;
ဓာရေမိ အန္တိမံ ဒေဟံ,
သမ္မာသမ္ဗုဒ္ဓသာသနေ.
11.
2522
ဧကတ္တိံသမှိ ကပ္ပါနံ,
သဟဿမှိ တယော အဟုံ;
သမ္ဗဟုလာ နာမ ရာဇာနော,
စက္ကဝတ္တီ မဟဗ္ဗလာ.
12.
2523
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2524
ဣတ္ထံ သုဒံ အာယသ္မာ နိဿေဏိဒါယကော ထေရော ဣမာ ဂါထာယော အဘာသိတ္ထာတိ.
2525
နိဿေဏိဒါယကတ္ထေရဿာပဒါနံ ဒုတိယံ.