18.5 သီဟာသနဒါယကတ္ထေရအပဒါန
Review
21.
2538
“နိဗ္ဗုတေ လောကနာထမှိ,
ပဒုမုတ္တရနာယကေ;
ပသန္နစိတ္တော သုမနော,
သီဟာသနမဒါသဟံ.
22.
2539
ဗဟူဟိ ဂန္ဓမာလေဟိ,
ဒိဋ္ဌဓမ္မသုခါဝဟေ;
တတ္ထ ပူဇဉ္စ ကတွာန,
နိဗ္ဗာယတိ ဗဟုဇ္ဇနော.
23.
2540
ပသန္နစိတ္တော သုမနော,
ဝန္ဒိတွာ ဗောဓိမုတ္တမံ;
ကပ္ပါနံ သတသဟဿံ,
ဒုဂ္ဂတိံ နုပပဇ္ဇဟံ.
24.
2541
ပန္နရသသဟဿမှိ,
ကပ္ပါနံ အဋ္ဌ အာသု တေ;
သိလုစ္စယသနာမာ စ,
ရာဇာနော စက္ကဝတ္တိနော.
25.
2542
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2543
ဣတ္ထံ သုဒံ အာယသ္မာ သီဟာသနဒါယကော ထေရော ဣမာ ဂါထာယော အဘာသိတ္ထာတိ.
2544
သီဟာသနဒါယကတ္ထေရဿာပဒါနံ ပဉ္စမံ.