19.1 ကုဋဇပုပ္ဖိယတ္ထေရအပဒါန
Review
1.
2581
“သုဝဏ္ဏဝဏ္ဏံ သမ္ဗုဒ္ဓံ,
သတရံသိံဝ ဥဂ္ဂတံ;
ဒိသံ အနုဝိလောကေန္တံ,
ဂစ္ဆန္တံ အနိလဉ္ဇသေ.
2.
2582
ကုဋဇံ ပုပ္ဖိတံ ဒိသွာ,
သံဝိတ္ထတသမောတ္ထတံ;
ရုက္ခတော ဩစိနိတွာန,
ဖုဿဿ အဘိရောပယိံ.
3.
2583
ဒွေနဝုတေ ဣတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
4.
2584
ဣတော သတ္တရသေ ကပ္ပေ,_
တယော အာသုံ သုပုပ္ဖိတာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
5.
2585
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
2586
ဣတ္ထံ သုဒံ အာယသ္မာ ကုဋဇပုပ္ဖိယော ထေရော ဣမာ ဂါထာယော အဘာသိတ္ထာတိ.
2587
ကုဋဇပုပ္ဖိယတ္ထေရဿာပဒါနံ ပဌမံ.