19.10 တိဝဏ္ဋိပုပ္ဖိယတ္ထေရအပဒါန
Review
57.
2655
“အဘိဘူတံ ပနိဇ္ဈန္တိ,
သဗ္ဗေ သင်္ဂမ္မ တေ မမံ;
တေသံ နိဇ္ဈာယမာနာနံ,
ပရိဠာဟော အဇာယထ.
58.
2656
သုနန္ဒော နာမ နာမေန,
ဗုဒ္ဓဿ သာဝကော တဒါ;
ဓမ္မဒဿိဿ မုနိနော,
အာဂစ္ဆိ မမ သန္တိကံ.
59.
2657
ယေ မေ ဗဒ္ဓစရာ အာသုံ,
တေ မေ ပုပ္ဖံ အဒုံ တဒါ;
တာဟံ ပုပ္ဖံ ဂဟေတွာန,
သာဝကေ အဘိရောပယိံ.
60.
2658
သောဟံ ကာလင်္ကတော တတ္ထ,
ပုနာပိ ဥပပဇ္ဇဟံ;
အဋ္ဌာရသေ ကပ္ပသတေ,
ဝိနိပါတံ န ဂစ္ဆဟံ.
61.
2659
တေရသေတော ကပ္ပသတေ,
အဋ္ဌာသုံ ဓူမကေတုနော;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
62.
2660
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”. (2208)
2661
ဣတ္ထံ သုဒံ အာယသ္မာ တိဝဏ္ဋိပုပ္ဖိယော ထေရော ဣမာ ဂါထာယော အဘာသိတ္ထာတိ.
2662
တိဝဏ္ဋိပုပ္ဖိယတ္ထေရဿာပဒါနံ ဒသမံ.
2663
ကုဋဇပုပ္ဖိယဝဂ္ဂေါ ဧကူနဝီသတိမော.
2664
တဿုဒ္ဒါနံ
2665
ကုဋဇော ဗန္ဓုဇီဝီ စ,
ကောဋုမ္ဗရိကဟတ္ထိယော;
ဣသိမုဂ္ဂေါ စ ဗောဓိ စ,_
ဧကစိန္တီ တိကဏ္ဏိကော;
ဧကစာရီ တိဝဏ္ဋိ စ,
ဂါထာ ဒွါသဋ္ဌိ ကိတ္တိတာတိ.