19.4 ပဉ္စဟတ္ထိယတ္ထေရအပဒါန
Review
18.
2604
“တိဿော နာမာသိ ဘဂဝါ,
လောကဇေဋ္ဌော နရာသဘော;
ပုရက္ခတော သာဝကေဟိ,
ရထိယံ ပဋိပဇ္ဇထ.
19.
2605
ပဉ္စ ဥပ္ပလဟတ္ထာ စ,
စာတုရာ ဌပိတာ မယာ;
အာဟုတိံ ဒါတုကာမောဟံ,
ပဂ္ဂဏှိံ ဝတသိဒ္ဓိယာ.
20.
2606
သုဝဏ္ဏဝဏ္ဏံ သမ္ဗုဒ္ဓံ,
ဂစ္ဆန္တံ အန္တရာပဏေ;
ဗုဒ္ဓရံသီဟိ ဖုဋ္ဌောသ္မိ,
ပူဇေသိံ ဒွိပဒုတ္တမံ.
21.
2607
ဒွေနဝုတေ ဣတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
22.
2608
ဣတော တေရသကပ္ပမှိ,_
ပဉ္စ သုသဘသမ္မတာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
23.
2609
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2610
ဣတ္ထံ သုဒံ အာယသ္မာ ပဉ္စဟတ္ထိယော ထေရော ဣမာ ဂါထာယော အဘာသိတ္ထာတိ.
2611
ပဉ္စဟတ္ထိယတ္ထေရဿာပဒါနံ စတုတ္ထံ.