19.5 ဣသိမုဂ္ဂဒါယကတ္ထေရအပဒါန
Review
24.
2612
“ဥဒေန္တံ သတရံသိံဝ,
ပီတရံသိံဝ ဘာဏုမံ;
ကကုဓံ ဝိလသန္တံဝ,
ပဒုမုတ္တရနာယကံ.
25.
2613
ဣသိမုဂ္ဂါနိ ပိသိတွာ,_
မဓုခုဒ္ဒေ အနီဠကေ;
ပါသာဒေဝ ဌိတော သန္တော,
အဒါသိံ လောကဗန္ဓုနော.
26.
2614
အဋ္ဌသတသဟဿာနိ,
အဟေသုံ ဗုဒ္ဓသာဝကာ;
သဗ္ဗေသံ ပတ္တပူရေန္တံ,
တတော စာပိ ဗဟုတ္တရံ.
27.
2615
တေန စိတ္တပ္ပသာဒေန,
သုက္ကမူလေန စောဒိတော;
ကပ္ပါနံ သတသဟဿံ,
ဒုဂ္ဂတိံ နုပပဇ္ဇဟံ.
28.
2616
စတ္တာလီသမှိ သဟဿေ,
ကပ္ပါနံ အဋ္ဌတိံသ တေ;
ဣသိမုဂ္ဂသနာမာ တေ,_
စက္ကဝတ္တီ မဟဗ္ဗလာ.
29.
2617
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2618
ဣတ္ထံ သုဒံ အာယသ္မာ ဣသိမုဂ္ဂဒါယကော ထေရော ဣမာ ဂါထာယော အဘာသိတ္ထာတိ.
2619
ဣသိမုဂ္ဂဒါယကတ္ထေရဿာပဒါနံ ပဉ္စမံ.