19.9 ဧကစာရိယတ္ထေရအပဒါန
Review
51.
2647
“တာဝတိံသေသု ဒေဝေသု,
မဟာဃောသော တဒါ အဟု;
ဗုဒ္ဓေါ စ လောကေ နိဗ္ဗာတိ,
မယဉ္စမှ သရာဂိနော.
52.
2648
တေသံ သံဝေဂဇာတာနံ,
သောကသလ္လသမင်္ဂိနံ;
သဗလေန ဥပတ္ထဒ္ဓေါ,
အဂမံ ဗုဒ္ဓသန္တိကံ.
53.
2649
မန္ဒာရဝံ ဂဟေတွာန,
သင်္ဂီတိ အဘိနိမ္မိတံ;
ပရိနိဗ္ဗုတကာလမှိ,
ဗုဒ္ဓဿ အဘိရောပယိံ.
54.
2650
သဗ္ဗေ ဒေဝါနုမောဒိံသု,
အစ္ဆရာယော စ မေ တဒါ;
ကပ္ပါနံ သတသဟဿံ,
ဒုဂ္ဂတိံ နုပပဇ္ဇဟံ.
55.
2651
သဋ္ဌိကပ္ပသဟဿမှိ,
ဣတော သောဠသ တေ ဇနာ;_
မဟာမလ္လဇနာ နာမ,
စက္ကဝတ္တီ မဟဗ္ဗလာ.
56.
2652
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2653
ဣတ္ထံ သုဒံ အာယသ္မာ ဧကစာရိယော ထေရော ဣမာ ဂါထာယော အဘာသိတ္ထာတိ.
2654
ဧကစာရိယတ္ထေရဿာပဒါနံ နဝမံ.