20.1 တမာလပုပ္ဖိယတ္ထေရအပဒါန
Review
1.
2666
“စုလ္လာသီတိသဟဿာနိ,
ထမ္ဘာ သောဝဏ္ဏယာ အဟူ;
ဒေဝလဋ္ဌိပဋိဘာဂံ,
ဝိမာနံ မေ သုနိမ္မိတံ.
2.
2667
တမာလပုပ္ဖံ ပဂ္ဂယှ,
ဝိပ္ပသန္နေန စေတသာ;
ဗုဒ္ဓဿ အဘိရောပယိံ,
သိခိနော လောကဗန္ဓုနော.
3.
2668
ဧကတ္တိံသေ ဣတော ကပ္ပေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
4.
2669
ဣတော ဝီသတိမေ ကပ္ပေ,_
စန္ဒတိတ္တောတိ ဧကကော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
5.
2670
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
2671
ဣတ္ထံ သုဒံ အာယသ္မာ တမာလပုပ္ဖိယော ထေရော ဣမာ ဂါထာယော အဘာသိတ္ထာတိ.
2672
တမာလပုပ္ဖိယတ္ထေရဿာပဒါနံ ပဌမံ.