20.4 အသောကပူဇကတ္ထေရအပဒါန
Review
17.
2688
“တိဝရာယံ ပုရေ ရမ္မေ,
ရာဇုယျာနံ အဟု တဒါ;
ဥယျာနပါလော တတ္ထာသိံ,_
ရညော ဗဒ္ဓစရော အဟံ.
18.
2689
ပဒုမော နာမ နာမေန,
သယမ္ဘူ သပ္ပဘော အဟု;
နိသိန္နံ ပုဏ္ဍရီကမှိ,
ဆာယာ န ဇဟိ တံ မုနိံ.
19.
2690
အသောကံ ပုပ္ဖိတံ ဒိသွာ,
ပိဏ္ဍိဘာရံ သုဒဿနံ;
ဗုဒ္ဓဿ အဘိရောပေသိံ,
ဇလဇုတ္တမနာမိနော.
20.
2691
စတုန္နဝုတိတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
21.
2692
သတ္တတိံသမှိတော ကပ္ပေ,
သောဠသ အရဏဉ္ဇဟာ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
22.
2693
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2694
ဣတ္ထံ သုဒံ အာယသ္မာ အသောကပူဇကော ထေရော ဣမာ ဂါထာယော အဘာသိတ္ထာတိ.
2695
အသောကပူဇကတ္ထေရဿာပဒါနံ စတုတ္ထံ.