20.5 အင်္ကောလကတ္ထေရအပဒါန
Review
23.
2696
“အင်္ကောလံ ပုပ္ဖိတံ ဒိသွာ,
မာလာဝရံ သကောသကံ;
ဩစိနိတွာန တံ ပုပ္ဖံ,
အဂမံ ဗုဒ္ဓသန္တိကံ.
24.
2697
သိဒ္ဓတ္ထော တမှိ သမယေ,
ပတိလီနော မဟာမုနိ;
မုဟုတ္တံ ပဋိမာနေတွာ,
ဂုဟာယံ ပုပ္ဖမောကိရိံ.
25.
2698
စတုန္နဝုတိတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ပုပ္ဖဒါနဿိဒံ ဖလံ.
26.
2699
ဆတ္တိံသမှိ ဣတော ကပ္ပေ,
အာသေကော ဒေဝဂဇ္ဇိတော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
27.
2700
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2701
ဣတ္ထံ သုဒံ အာယသ္မာ အင်္ကောလကော ထေရော ဣမာ ဂါထာယော အဘာသိတ္ထာတိ.
2702
အင်္ကောလကတ္ထေရဿာပဒါနံ ပဉ္စမံ.