20.6 ကိသလယပူဇကတ္ထေရအပဒါန
Review
28.
2703
“နဂရေ ဒွါရဝတိယာ,
မာလာဝစ္ဆော မမံ အဟု;
ဥဒပါနော စ တတ္ထေဝ,_
ပါဒပါနံ ဝိရောဟနော.
29.
2704
သဗလေန ဥပတ္ထဒ္ဓေါ,
သိဒ္ဓတ္ထော အပရာဇိတော;
မမာနုကမ္ပမာနော သော,
ဂစ္ဆတေ အနိလဉ္ဇသေ.
30.
2705
အညံ ကိဉ္စိ န ပဿာမိ,
ပူဇာယောဂ္ဂံ မဟေသိနော;
အသောကံ ပလ္လဝံ ဒိသွာ,
အာကာသေ ဥက္ခိပိံ အဟံ.
31.
2706
ဗုဒ္ဓဿ တေ ကိသလယာ,
ဂစ္ဆတော ယန္တိ ပစ္ဆတော;
တာဟံ ဒိသွာန သံဝိဇိံ,
အဟော ဗုဒ္ဓဿုဠာရတာ.
32.
2707
စတုန္နဝုတိတော ကပ္ပေ,
ပလ္လဝံ အဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
33.
2708
သတ္တတိံသေ ဣတော ကပ္ပေ,
ဧကော ဧကိဿရော အဟု;
သတ္တရတနသမ္ပန္နော,
စက္ကဝတ္တီ မဟဗ္ဗလော.
34.
2709
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2710
ဣတ္ထံ သုဒံ အာယသ္မာ ကိသလယပူဇကော ထေရော ဣမာ ဂါထာယော အဘာသိတ္ထာတိ.
2711
ကိသလယပူဇကတ္ထေရဿာပဒါနံ ဆဋ္ဌံ.