20.8 မုဋ္ဌိပူဇကတ္ထေရအပဒါန
Review
42.
2721
“သုမေဓော နာမ ဘဂဝါ,
လောကဇေဋ္ဌော နရာသဘော;
ပစ္ဆိမေ အနုကမ္ပာယ,
ပဓာနံ ပဒဟီ ဇိနော.
43.
2722
တဿ စင်္ကမမာနဿ,
ဒွိပဒိန္ဒဿ တာဒိနော;
ဂိရိနေလဿ ပုပ္ဖါနံ,
မုဋ္ဌိံ ဗုဒ္ဓဿ ရောပယိံ.
44.
2723
တေန စိတ္တပ္ပသာဒေန,
သုက္ကမူလေန စောဒိတော;
တိံသကပ္ပသဟဿာနိ,
ဒုဂ္ဂတိံ နုပပဇ္ဇဟံ.
45.
2724
တေဝီသတိကပ္ပသတေ,
သုနေလော နာမ ခတ္တိယော;
သတ္တရတနသမ္ပန္နော,
ဧကော အာသိံ မဟဗ္ဗလော.
46.
2725
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2726
ဣတ္ထံ သုဒံ အာယသ္မာ မုဋ္ဌိပူဇကော ထေရော ဣမာ ဂါထာယော အဘာသိတ္ထာတိ.
2727
မုဋ္ဌိပူဇကတ္ထေရဿာပဒါနံ အဋ္ဌမံ.