21.1 ကဏိကာရပုပ္ဖိယတ္ထေရအပဒါန
Review
1.
2750
“ကဏိကာရံ ပုပ္ဖိတံ ဒိသွာ,
ဩစိနိတွာနဟံ တဒါ;
တိဿဿ အဘိရောပေသိံ,
ဩဃတိဏ္ဏဿ တာဒိနော.
2.
2751
ဒွေနဝုတေ ဣတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
3.
2752
ပဉ္စတ္တိံသေ ဣတော ကပ္ပေ,
အရုဏပါဏီတိ ဝိဿုတော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
4.
2753
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
2754
ဣတ္ထံ သုဒံ အာယသ္မာ ကဏိကာရပုပ္ဖိယော ထေရော ဣမာ ဂါထာယော အဘာသိတ္ထာတိ.
2755
ကဏိကာရပုပ္ဖိယတ္ထေရဿာပဒါနံ ပဌမံ.