21.4 တရဏိယတ္ထေရအပဒါန
Review
15.
2770
“အတ္ထဒဿီ တု ဘဂဝါ,
ဒွိပဒိန္ဒော နရာသဘော;
ပုရက္ခတော သာဝကေဟိ,
ဂင်္ဂါတီရမုပါဂမိ.
16.
2771
သမတိတ္တိ ကာကပေယျာ,
ဂင်္ဂါ အာသိ ဒုရုတ္တရာ;
ဥတ္တာရယိံ ဘိက္ခုသံဃံ,_
ဗုဒ္ဓဉ္စ ဒွိပဒုတ္တမံ.
17.
2772
အဋ္ဌာရသေ ကပ္ပသတေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
တရဏာယ ဣဒံ ဖလံ.
18.
2773
တေရသေတော ကပ္ပသတေ,
ပဉ္စ သဗ္ဗောဘဝါ အဟုံ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
19.
2774
ပစ္ဆိမေ စ ဘဝေ အသ္မိံ,
ဇာတောဟံ ဗြာဟ္မဏေ ကုလေ;
သဒ္ဓိံ တီဟိ သဟာယေဟိ,
ပဗ္ဗဇိံ သတ္ထု သာသနေ.
20.
2775
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2776
ဣတ္ထံ သုဒံ အာယသ္မာ တရဏိယော ထေရော ဣမာ ဂါထာယော အဘာသိတ္ထာတိ.
2777
တရဏိယတ္ထေရဿာပဒါနံ စတုတ္ထံ.