21.8 ကောရဏ္ဍပုပ္ဖိယတ္ထေရအပဒါန
Review
35.
2798
“အက္ကန္တဉ္စ ပဒံ ဒိသွာ,
စက္ကာလင်္ကာရဘူသိတံ;
ပဒေနာနုပဒံ ယန္တော,
ဝိပဿိဿ မဟေသိနော.
36.
2799
ကောရဏ္ဍံ ပုပ္ဖိတံ ဒိသွာ,
သမူလံ ပူဇိတံ မယာ;
ဟဋ္ဌော ဟဋ္ဌေန စိတ္တေန,
အဝန္ဒိံ ပဒမုတ္တမံ.
37.
2800
ဧကနဝုတိတော ကပ္ပေ,
ယံ ပုပ္ဖမဘိပူဇယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
38.
2801
သတ္တပညာသကပ္ပမှိ,
ဧကော ဝီတမလော အဟုံ;
သတ္တရတနသမ္ပန္နော,
စက္ကဝတ္တီ မဟဗ္ဗလော.
39.
2802
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2803
ဣတ္ထံ သုဒံ အာယသ္မာ ကောရဏ္ဍပုပ္ဖိယော ထေရော ဣမာ ဂါထာယော အဘာသိတ္ထာတိ.
2804
ကောရဏ္ဍပုပ္ဖိယတ္ထေရဿာပဒါနံ အဋ္ဌမံ.