22.1 ဟတ္ထိဒါယကတ္ထေရအပဒါန
Review
1.
2822
“သိဒ္ဓတ္ထဿ ဘဂဝတော,
ဒွိပဒိန္ဒဿ တာဒိနော;
နာဂသေဋ္ဌော မယာ ဒိန္နော,
ဤသာဒန္တော ဥရူဠှဝါ.
2.
2823
ဥတ္တမတ္ထံ အနုဘောမိ,_
သန္တိပဒမနုတ္တရံ;
နာဂဒါနံ မယာ ဒိန္နံ,
သဗ္ဗလောကဟိတေသိနော.
3.
2824
စတုန္နဝုတိတော ကပ္ပေ,
ယံ နာဂ မဒဒိံ တဒါ;
ဒုဂ္ဂတိံ နာဘိဇာနာမိ,
နာဂဒါနဿိဒံ ဖလံ.
4.
2825
အဋ္ဌသတ္တတိကပ္ပမှိ,
သောဠသာသိံသု ခတ္တိယာ;
သမန္တပါသာဒိကာ နာမ,
စက္ကဝတ္တီ မဟဗ္ဗလာ.
5.
2826
ပဋိသမ္ဘိဒါ စတဿော,
ဝိမောက္ခာပိ စ အဋ္ဌိမေ;
ဆဠဘိညာ သစ္ဆိကတာ,
ကတံ ဗုဒ္ဓဿ သာသနံ”.
2827
ဣတ္ထံ သုဒံ အာယသ္မာ ဟတ္ထိဒါယကော ထေရော ဣမာ ဂါထာယော အဘာသိတ္ထာတိ.
2828
ဟတ္ထိဒါယကတ္ထေရဿာပဒါနံ ပဌမံ.