22.2 ပါနဓိဒါယကတ္ထေရအပဒါန
Review
6.
2829
“အာရညိကဿ ဣသိနော,
စိရရတ္တတပဿိနော;
ဝုဒ္ဓဿ ဘာဝိတတ္တဿ,
အဒါသိံ ပါနဓိံ အဟံ.
7.
2830
တေန ကမ္မေန ဒွိပဒိန္ဒ,
လောကဇေဋ္ဌ နရာသဘ;
ဒိဗ္ဗယာနံ အနုဘောမိ,
ပုဗ္ဗကမ္မဿိဒံ ဖလံ.
8.
2831
စတုန္နဝုတေ ဣတော ကပ္ပေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
ပါနဓိဿ ဣဒံ ဖလံ.
9.
2832
သတ္တသတ္တတိတော ကပ္ပေ,
အဋ္ဌ အာသိံသု ခတ္တိယာ;
သုယာနာ နာမ နာမေန,
စက္ကဝတ္တီ မဟဗ္ဗလာ.
10.
2833
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2834
ဣတ္ထံ သုဒံ အာယသ္မာ ပါနဓိဒါယကော ထေရော ဣမာ ဂါထာယော အဘာသိတ္ထာတိ.
2835
ပါနဓိဒါယကတ္ထေရဿာပဒါနံ ဒုတိယံ.