22.3 သစ္စသညကတ္ထေရအပဒါန
Review
11.
2836
“ဝေဿဘူ တမှိ သမယေ,
ဘိက္ခုသံဃပုရက္ခတော;
ဒေသေတိ အရိယသစ္စာနိ,
နိဗ္ဗာပေန္တော မဟာဇနံ.
12.
2837
ပရမကာရုညပတ္တောမှိ,
သမိတိံ အဂမာသဟံ;
သောဟံ နိသိန္နကော သန္တော,
ဓမ္မမဿောသိ သတ္ထုနော.
13.
2838
တဿာဟံ ဓမ္မံ သုတွာန,
ဒေဝလောကံ အဂစ္ဆဟံ;
တိံသကပ္ပါနိ ဒေဝေသု,
အဝသိံ တတ္ထဟံ ပုရေ.
14.
2839
ဧကတ္တိံသေ ဣတော ကပ္ပေ,
ယံ သညမလဘိံ တဒါ;
ဒုဂ္ဂတိံ နာဘိဇာနာမိ,
သစ္စသညာယိဒံ ဖလံ.
15.
2840
ဆဗ္ဗီသမှိ ဣတော ကပ္ပေ,
ဧကော အာသိံ ဇနာဓိပေါ;
ဧကဖုသိတနာမေန,
စက္ကဝတ္တီ မဟဗ္ဗလော.
16.
2841
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2842
ဣတ္ထံ သုဒံ အာယသ္မာ သစ္စသညကော ထေရော ဣမာ ဂါထာယော အဘာသိတ္ထာတိ.
2843
သစ္စသညကတ္ထေရဿာပဒါနံ တတိယံ.