22.5 ရံသိသညကတ္ထေရအပဒါန
Review
21.
2850
“ဥဒေန္တံ သတရံသိံဝ,
ပီတရံသိံဝ ဘာဏုမံ;
ဗျဂ္ဃူသဘံဝ ပဝရံ,
သုဇာတံ ပဗ္ဗတန္တရေ.
22.
2851
ဗုဒ္ဓဿ အာနုဘာဝေါ သော,
ဇလတေ ပဗ္ဗတန္တရေ;
ရံသေ စိတ္တံ ပသာဒေတွာ,
ကပ္ပံ သဂ္ဂမှိ မောဒဟံ.
23.
2852
အဝသေသေသု ကပ္ပေသု,
ကုသလံ စရိတံ မယာ;
တေန စိတ္တပ္ပသာဒေန,
ဗုဒ္ဓါနုဿတိယာပိ စ.
24.
2853
တိံသကပ္ပသဟဿေတော,
ယံ သညမလဘိံ တဒါ;
ဒုဂ္ဂတိံ နာဘိဇာနာမိ,
ဗုဒ္ဓသညာယိဒံ ဖလံ.
25.
2854
သတ္တပညာသကပ္ပမှိ,
ဧကော အာသိံ ဇနာဓိပေါ;
သုဇာတော နာမ နာမေန,
စက္ကဝတ္တီ မဟဗ္ဗလော.
26.
2855
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2856
ဣတ္ထံ သုဒံ အာယသ္မာ ရံသိသညကော ထေရော ဣမာ ဂါထာယော အဘာသိတ္ထာတိ.
2857
ရံသိသညကတ္ထေရဿာပဒါနံ ပဉ္စမံ.