22.7 တာလဝဏ္ဋဒါယကတ္ထေရအပဒါန
Review
31.
2864
“တာလဝဏ္ဋံ မယာ ဒိန္နံ,
တိဿဿာဒိစ္စဗန္ဓုနော;
ဂိမှနိဗ္ဗာပနတ္ထာယ,
ပရိဠာဟောပသန္တိယာ.
32.
2865
သန္နိဗ္ဗာပေမိ ရာဂဂ္ဂိံ,
ဒေါသဂ္ဂိဉ္စ တဒုတ္တရိံ;
နိဗ္ဗာပေမိ စ မောဟဂ္ဂိံ,
တာလဝဏ္ဋဿိဒံ ဖလံ.
33.
2866
ကိလေသာ ဈာပိတာ မယှံ,
ဘဝါ သဗ္ဗေ သမူဟတာ;
ဓာရေမိ အန္တိမံ ဒေဟံ,
သမ္မာသမ္ဗုဒ္ဓသာသနေ.
34.
2867
ဒွေနဝုတေ ဣတော ကပ္ပေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
တာလဝဏ္ဋဿိဒံ ဖလံ.
35.
2868
တေသဋ္ဌိမှိ ဣတော ကပ္ပေ,
မဟာနာမသနာမကော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
36.
2869
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2870
ဣတ္ထံ သုဒံ အာယသ္မာ တာလဝဏ္ဋဒါယကော ထေရော ဣမာ ဂါထာယော အဘာသိတ္ထာတိ.
2871
တာလဝဏ္ဋဒါယကတ္ထေရဿာပဒါနံ သတ္တမံ.