22.8 အက္ကန္တသညကတ္ထေရအပဒါန
Review
37.
2872
“ကုသာဋကံ ဂဟေတွာန,
ဥပဇ္ဈာယဿဟံ ပုရေ;_
မန္တဉ္စ အနုသိက္ခာမိ,
ဂန္ထာဒေါသဿ ပတ္တိယာ.
38.
2873
အဒ္ဒသံ ဝိရဇံ ဗုဒ္ဓံ,
အာဟုတီနံ ပဋိဂ္ဂဟံ;
ဥသဘံ ပဝရံ အဂ္ဂံ,_
တိဿံ ဗုဒ္ဓံ ဂဏုတ္တမံ.
39.
2874
ကုသာဋကံ ပတ္ထရိတံ,
အက္ကမန္တံ နရုတ္တမံ;
သမုဂ္ဂတံ မဟာဝီရံ,
လောကဇေဋ္ဌံ နရာသဘံ.
40.
2875
ဒိသွာ တံ လောကပဇ္ဇောတံ,
ဝိမလံ စန္ဒသန္နိဘံ;
အဝန္ဒိံ သတ္ထုနော ပါဒေ,
ဝိပ္ပသန္နေန စေတသာ.
41.
2876
စတုန္နဝုတိတော ကပ္ပေ,
ယံ အဒါသိံ ကုသာဋကံ;
ဒုဂ္ဂတိံ နာဘိဇာနာမိ,
ကုသာဋကဿိဒံ ဖလံ.
42.
2877
သတ္တတိံသေ ဣတော ကပ္ပေ,
ဧကော အာသိံ ဇနာဓိပေါ;
သုနန္ဒော နာမ နာမေန,
စက္ကဝတ္တီ မဟဗ္ဗလော.
43.
2878
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2879
ဣတ္ထံ သုဒံ အာယသ္မာ အက္ကန္တသညကော ထေရော ဣမာ ဂါထာယော အဘာသိတ္ထာတိ.
2880
အက္ကန္တသညကတ္ထေရဿာပဒါနံ အဋ္ဌမံ.