22.9 သပ္ပိဒါယကတ္ထေရအပဒါန
Review
44.
2881
“နိသိန္နော ပါသာဒဝရေ,
နာရီဂဏပုရက္ခတော;
ဗျာဓိတံ သမဏံ ဒိသွာ,
အဘိနာမေသဟံ ဃရံ.
45.
2882
ဥပဝိဋ္ဌံ မဟာဝီရံ,_
ဒေဝဒေဝံ နရာသဘံ;
သပ္ပိတေလံ မယာ ဒိန္နံ,
သိဒ္ဓတ္ထဿ မဟေသိနော.
46.
2883
ပဿဒ္ဓဒရထံ ဒိသွာ,
ဝိပ္ပသန္နမုခိန္ဒြိယံ;
ဝန္ဒိတွာ သတ္ထုနော ပါဒေ,
အနုသံသာဝယိံ ပုရေ.
47.
2884
ဒိသွာ မံ သုပ္ပသန္နတ္တံ,
ဣဒ္ဓိယာ ပါရမိင်္ဂတော;_
နဘံ အဗ္ဘုဂ္ဂမီ ဓီရော,
ဟံသရာဇာဝ အမ္ဗရေ.
48.
2885
စတုန္နဝုတိတော ကပ္ပေ,
ယံ ဒါနမဒဒိံ တဒါ;
ဒုဂ္ဂတိံ နာဘိဇာနာမိ,
သပ္ပိတေလဿိဒံ ဖလံ.
49.
2886
ဣတော သတ္တရသေ ကပ္ပေ,_
ဇုတိဒေဝ သနာမကော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
50.
2887
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
2888
ဣတ္ထံ သုဒံ အာယသ္မာ သပ္ပိဒါယကော ထေရော ဣမာ ဂါထာယော အဘာသိတ္ထာတိ.
2889
သပ္ပိဒါယကတ္ထေရဿာပဒါနံ နဝမံ.